Nú í morgun gengum við öll saman í nafni ljóss og friðar. Skólahljómsveit Kópavogs spilaði fyrir okkur jólalög í miðrýminu fyrir brottför og við heimkomu var heitt kakó með rjóma í boði.

Í morgun var opið hús í skólanum í tilefni Fullveldisdagsins. Nemendur sýndu afrakstur fullveldisþemavinnu og Skólakór og Marimbasveit Smáraskóla sáu um skemmtun. Kaffisala var í góðum höndum 10. bekkinga í fjáröflunarskyni fyrir útskriftarferð.

Nemendur 5.bekkjar hafa unnið hörðum höndum að gerð myndskreyttrar skáldsögu í anda bóka Ævars vísindamanns.Sögusviðið er Þjóðminjasafnið. Útgáfuhátið var slegið upp í Þjóðminjasafninu þar sem Ævar var að sjálfsögðu heiðursgestur.  

Í síðastliðinni viku fór fram liðakeppni skóla á Meistaramóti Kópavogs í skák. Þátttakendur frá Smáraskóla stóðu sig öll með sóma og voru til fyrirmyndar. A og B sveitir skólans röðuðu sér í verðlaunasæti á eftir norðurlandameisturum Lindaskóla. Einnig fékk Smáraskóli verðlaun […]

Það var gaman að sjá samstöðu nemenda og starfsfólks á bleikum föstudegi í dag. Allir nemendur komu saman á sal og sungin voru nokkur lög.

Á föstudaginn er Bleiki dagurinn sem er hápunktur árvekniátaks Krabbameinsfélagsins vegna krabbameins hjá konum. Í tilefni dagsins hvetjum við nemendur og starfsfólk Smáraskóla til að skrýðast bleiku á föstudaginn. Við munum koma öll saman á sal kl. 9:19 – 9:30, syngja […]